ДОРНОД: АХМАД ШҮҮГЧ Б.ЭНХБААТАРЫН НЭРЭМЖИТ ШИРЭЭНИЙ ТЕННИСНИЙ ТЭМЦЭЭН ЗОХИОН БАЙГУУЛАГДЛАА

2024-11-18    |   25

---

    Дорнод аймаг дахь Шүүхийн тамгын газар, шүүхийн ахмадын салбар зөвлөл, залуучуудын зөвлөл хамтран ахмад шүүгч Б.Энхбаатарын нэрэмжит ширээний теннисний тэмцээнийг анхан болон давж заалдах шатны шүүх, Шүүхийн тамгын газрын баг тамирчид дунд зохион байгууллаа.

     Тэмцээний зорилго нь ахмад шүүгчээ алдаршуулах, шүүгч, ажилтнуудыг спортоор хичээллэх нөхцөл бүрдүүлж, чөлөөт цагаа үр бүтээлтэй өнгөрүүлэхэд оршино.

  

    Ахмад шүүгч Б.Энхбаатар нь Дорнод аймгийн шүүхэд 15 жил шүүгчээр ажиллах хугацаандаа шүүхүүдийн дунд зохион байгуулсан болон зүүн бүсийн шүүхүүдийн тэмцээнд байнга оролцож амжилт гаргаж байсны зэрэгцээ гавьяаныхаа амралтад гарснаас хойш 2023 оны “Шүүхийн спортын их наадам”-д ширээний теннисний эрэгтэй ганцаарчилсан төрөлд мөнгөн медаль хүртсэн амжилт үзүүлсэн ахмад шүүгч юм.

    

Уг тэмцээнд 5 багийн 16 тамирчид амжилттай оролцож дараах амжилтуудыг үзүүллээ. Үүнд:

• Эмэгтэй ганцаарчилсан төрлийн тэргүүн байранд:

Дорнод аймгийн Эрүү, иргэний хэргийн давж заалдах шатны шүүхийн шүүгч С.Ганчимэг,

Дэд байранд:

Дорнод аймаг дахь Сум дундын иргэний хэргийн анхан шатны шүүхийн шүүгч Х.Отгонжаргал,

Эрэгтэй ганцаарчилсан төрөлд тэргүүн байранд:

Шүүхийн жолооч А.Тэлмэн,

Дэд байранд:

Шүүхийн сантехникч Г.Баттөр,

• Хосын төрлийн тэргүүн байранд:

Дорнод аймаг дахь Сум дундын иргэний хэргийн анхан шатны шүүхийн баг, тамирчид

Дэд байранд:

Дорнод аймгийн эрүү, иргэний хэргийн давж заалдах шатны шүүхийн баг, тамирчид тус тус шалгарсан амжилт үзүүллээ. 

 

ДОРНОД АЙМАГ ДАХЬ ШҮҮХИЙН ТАМГЫН ГАЗАР