ШҮҮХИЙН ШИЙДВЭР ГҮЙЦЭТГЭХ ГАЗАРТАЙ ХАМТАРСАН УУЛЗАЛТ, ЗӨВЛӨГӨӨН ХИЙЛЭЭ
2023-02-09 | 593Дорнод аймаг дахь Шүүхийн тамгын газраас санаачлан анхан болон давж заалдах шатны шүүхүүд болон Дорнод аймаг дахь Шүүхийн шийдвэр гүйцэтгэх газартай хамтарсан уулзалт, зөвлөгөөнийг 2023 оны 02 дугаар сарын 09-ний өдөр зохион байгууллаа.
Уулзалт, зөвлөгөөнд анхан шатны шүүхийн Ерөнхий шүүгч, шүүгч, Шүүхийн тамгын газрын дарга, ажилтнууд болон Шүүхийн шийдвэр гүйцэтгэх газрын дарга, бие бүрэлдэхүүний хамт оролцож харилцан мэдээлэл хүргэснээс гадна хамтран ажиллахад тулгамдаж буй асуудлын талаар нээлттэй ярилцаж, нэгдсэн ойлголтод хүрлээ.
Хамтарсан уулзалт, зөвлөгөөний төгсгөлд нийт оролцогчид 4 багт хуваагдан “Дартс”-ны тэмцээн зохион байгуулж, байр эзлүүлэн, шагнал гардуулснаар уг арга хэмжээ амжилттай өндөрлөлөө.
ДОРНОД АЙМАГ ДАХЬ ШҮҮХИЙН ТАМГЫН ГАЗАР