ҮНДЭСНИЙ БИЧГИЙН СУРГАЛТЫГ ТОГТМОЛ ЗОХИОН БАЙГУУЛАХААР БОЛЛОО
2023-02-06 | 804Монгол Улсын Засгийн газрын 2020 оны 3 дугаар сарын 18-ны өдрийн 96 дугаар тогтоолоор баталсан “Монгол бичгийн үндэсний хөтөлбөр III”-ийн хэрэгжилтийг хангах, 2025 оноос төрийн албан хэргийг кирилл болон Монгол бичгээр хөтлөн явуулах зорилтын хүрээнд Дорнод аймгийн анхан болон давж заалдах шатны шүүх, Шүүхийн тамгын газрын нийт шүүгч, ажилтнуудыг хос бичигтэн болохоор зорин ажиллаж байна.
Монгол хэлний тухай хуульд Төрийн болон орон нутгийн өөрөө удирдах байгууллага нь 2025 оны 01 дүгээр сарын 01-ний өдрөөс эхлэн албан хэргээ кирилл, үндэсний хос бичгээр хөтлөн явуулна гэж заасны дагуу нийт шүүгч, ажилтнууд Монгол бичгийн талаарх мэдлэгээ сэргээх, дээшлүүлэх хэрэгцээ, шаардлага тулгарч байгаа билээ.
Иймд Дорнод аймаг дахь Шүүхийн тамгын газраас 2023 оны 02 дугаар сарын 03-ны өдөр Хэрлэн сумын 5 дугаар сургуулийн Монгол хэл, уран зохиолын багш Д.Нандинцэцэгийн урьж “Монгол бичгийн түүхэн замнал”, “Үндэсний бичиг, үсгийн удиртгал” хичлээлээр тус тус сургалт зохион байгууллаа.
Цаашид 7 хоног бүрийн баасан гарагт 2 цагийн Монгол бичгийн хичээлийг тогтмол зохион байгуулахаар боллоо.
Тус шүүхээс Монгол хэлний тухай хууль болон Монгол Улсын Засгийн газрын 2020 оны 96 дугаар тогтоолоор баталсан тогтоолын хэрэгжилтийг ханган “ХОС БИЧИГТЭН” хамт олон болохыг нийт шүүхүүдэд уриалж байна.
ДОРНОД АЙМАГ ДАХЬ ШҮҮХИЙН ТАМГЫН ГАЗАР